ಅಗ್ನಿ ಸೂಕ್ತಮ್

अ॒ग्निः पूर्वे᳚भि॒र्ऋषि॑भि॒रीड्यो॒ नूत॑नैरु॒त ।
स दे॒वाँ एह व॑क्षति ॥ 2 ॥

अ॒ग्निना᳚ र॒यिम॑श्नव॒त् पोष॑मे॒व दि॒वेदि॑वे ।
य॒शसं᳚ वी॒रव॑त्तमम् ॥ 3 ॥

अग्ने॒ यं य॒ज्ञम॑ध्व॒रं वि॒श्वतः॑ परि॒भूरसि॑ ।
स इद्दे॒वेषु॑ गच्छति ॥ 4 ॥

अ॒ग्निर्होता᳚ क॒विक्र॑तुः स॒त्यश्चि॒त्रश्र॑वस्तमः ।
दे॒वो दे॒वेभि॒रा ग॑मत् ॥ 5 ॥

यदं॒ग दा॒शुषे॒ त्वमग्ने᳚ भ॒द्रं क॑रि॒ष्यसि॑ ।
तवेत्तत् स॒त्यमं᳚गिरः ॥ 6 ॥

उप॑ त्वाग्ने दि॒वेदि॑वे॒ दोषा᳚वस्तर्धि॒या व॒यम् ।
नमो॒ भर᳚न्त॒ एम॑सि ॥ 7 ॥

राज᳚न्तमध्व॒राणां᳚ गो॒पामृ॒तस्य॒ दीदि॑विम् ।
वर्ध॑मानं॒ स्वे दमे᳚ ॥ 8 ॥

स नः॑ पि॒तेव॑ सू॒नवेऽग्ने᳚ सूपाय॒नो भ॑व ।
सच॑स्वा नः स्व॒स्तये᳚ ॥ 9 ॥

a̱gniḥ pūrve̋bhi̱rṛṣíbhi̱rīḍyo̱ nūtánairu̱ta |
sa de̱vā~ eha vákṣati || 2 ||

a̱gninā̋ ra̱yimáśnava̱t poṣáme̱va di̱vedíve |
ya̱śasa̋ṃ vī̱raváttamam || 3 ||

agne̱ yaṃ ya̱jñamádhva̱raṃ vi̱śvatáḥ pari̱bhūrasí |
sa idde̱veṣú gacchati || 4 ||

a̱gnirhotā̋ ka̱vikrátuḥ sa̱tyaści̱traśrávastamaḥ |
de̱vo de̱vebhi̱rā gámat || 5 ||

yada̱ṃga dā̱śuṣe̱ tvamagne̋ bha̱draṃ kári̱ṣyasí |
tavettat sa̱tyama̋ṃgiraḥ || 6 ||

upá tvāgne di̱vedíve̱ doṣā̋vastardhi̱yā va̱yam |
namo̱ bhara̋nta̱ emási || 7 ||

rāja̋ntamadhva̱rāṇā̋ṃ go̱pāmṛ̱tasya̱ dīdívim |
vardhámāna̱ṃ sve dame̋ || 8 ||

sa náḥ pi̱tevá sū̱nave’gne̋ sūpāya̱no bháva |
sacásvā naḥ sva̱staye̋ || 9 ||

ಸ್ವರಚಿಹ್ನೆಗಳು: ಅನುದಾತ್ತಕ್ಕೆ ಅಕ್ಷರದ ಕೆಳಗೆ ಗೆರೆ (a̱), ಸ್ವರಿತಕ್ಕೆ ಮೇಲೆ ಗೆರೆ (á), ಕಂಪಕ್ಕೆ ಎರಡು ಗೆರೆ (a̋). ಉದಾತ್ತಕ್ಕೆ ಚಿಹ್ನೆ ಇಲ್ಲ. · Accents: macron below for anudātta, acute for svarita, double acute for the kampa; udātta is unmarked.