Bhagavad Gita, Chapter 18: मोक्षसंन्यासयोगः
Seventy-eight verses, the longest chapter of the Gita. The meaning of renunciation and relinquishment, the five causes of action, the three kinds of knowledge, action, doer, understanding, steadfastness and happiness, worship of the Lord through one’s own work, the call to take refuge, and the conclusion of the whole Gita are here.
Tap any verse card to open its page with the word-by-word meaning. Pages are ready for every verse of this chapter.
संन्यासस्य महाबाहो तत्त्वमिच्छामि वेदितुम्।
त्यागस्य च हृषीकेश पृथक्केशिनिषूदन ॥ 1 ॥Meaning of verse 18.1 →2श्रीभगवानुवाच
काम्यानां कर्मणां न्यासं संन्यासं कवयो विदुः।
सर्वकर्मफलत्यागं प्राहुस्त्यागं विचक्षणाः ॥ 2 ॥Meaning of verse 18.2 →3त्याज्यं दोषवदित्येके कर्म प्राहुर्मनीषिणः।
यज्ञदानतपःकर्म न त्याज्यमिति चापरे ॥ 3 ॥Meaning of verse 18.3 →4निश्चयं शृणु मे तत्र त्यागे भरतसत्तम।
त्यागो हि पुरुषव्याघ्र त्रिविधः सम्प्रकीर्तितः ॥ 4 ॥Meaning of verse 18.4 →5यज्ञदानतपःकर्म न त्याज्यं कार्यमेव तत्।
यज्ञो दानं तपश्चैव पावनानि मनीषिणाम् ॥ 5 ॥Meaning of verse 18.5 →6एतान्यपि तु कर्माणि सङ्गं त्यक्त्वा फलानि च।
कर्तव्यानीति मे पार्थ निश्चितं मतमुत्तमम् ॥ 6 ॥Meaning of verse 18.6 →7नियतस्य तु संन्यासः कर्मणो नोपपद्यते।
मोहात्तस्य परित्यागस्तामसः परिकीर्तितः ॥ 7 ॥Meaning of verse 18.7 →8दुःखमित्येव यत्कर्म कायक्लेशभयात्त्यजेत्।
स कृत्वा राजसं त्यागं नैव त्यागफलं लभेत् ॥ 8 ॥Meaning of verse 18.8 →9कार्यमित्येव यत्कर्म नियतं क्रियतेऽर्जुन।
सङ्गं त्यक्त्वा फलं चैव स त्यागः सात्त्विको मतः ॥ 9 ॥Meaning of verse 18.9 →10न द्वेष्ट्यकुशलं कर्म कुशले नानुषज्जते।
त्यागी सत्त्वसमाविष्टो मेधावी छिन्नसंशयः ॥ 10 ॥Meaning of verse 18.10 →11न हि देहभृता शक्यं त्यक्तुं कर्माण्यशेषतः।
यस्तु कर्मफलत्यागी स त्यागीत्यभिधीयते ॥ 11 ॥Meaning of verse 18.11 →12अनिष्टमिष्टं मिश्रं च त्रिविधं कर्मणः फलम्।
भवत्यत्यागिनां प्रेत्य न तु संन्यासिनां क्वचित् ॥ 12 ॥Meaning of verse 18.12 →13पञ्चैतानि महाबाहो कारणानि निबोध मे।
साङ्ख्ये कृतान्ते प्रोक्तानि सिद्धये सर्वकर्मणाम् ॥ 13 ॥Meaning of verse 18.13 →14अधिष्ठानं तथा कर्ता करणं च पृथग्विधम्।
विविधाश्च पृथक्चेष्टा दैवं चैवात्र पञ्चमम् ॥ 14 ॥Meaning of verse 18.14 →15शरीरवाङ्मनोभिर्यत्कर्म प्रारभते नरः।
न्याय्यं वा विपरीतं वा पञ्चैते तस्य हेतवः ॥ 15 ॥Meaning of verse 18.15 →16तत्रैवं सति कर्तारमात्मानं केवलं तु यः।
पश्यत्यकृतबुद्धित्वान्न स पश्यति दुर्मतिः ॥ 16 ॥Meaning of verse 18.16 →17यस्य नाहङ्कृतो भावो बुद्धिर्यस्य न लिप्यते।
हत्वापि स इमाँल्लोकान्न हन्ति न निबध्यते ॥ 17 ॥Meaning of verse 18.17 →18ज्ञानं ज्ञेयं परिज्ञाता त्रिविधा कर्मचोदना।
करणं कर्म कर्तेति त्रिविधः कर्मसङ्ग्रहः ॥ 18 ॥Meaning of verse 18.18 →19ज्ञानं कर्म च कर्ता च त्रिधैव गुणभेदतः।
प्रोच्यते गुणसङ्ख्याने यथावच्छृणु तान्यपि ॥ 19 ॥Meaning of verse 18.19 →20सर्वभूतेषु येनैकं भावमव्ययमीक्षते।
अविभक्तं विभक्तेषु तज्ज्ञानं विद्धि सात्त्विकम् ॥ 20 ॥Meaning of verse 18.20 →21पृथक्त्वेन तु यज्ज्ञानं नानाभावान्पृथग्विधान्।
वेत्ति सर्वेषु भूतेषु तज्ज्ञानं विद्धि राजसम् ॥ 21 ॥Meaning of verse 18.21 →22यत्तु कृत्स्नवदेकस्मिन्कार्ये सक्तमहैतुकम्।
अतत्त्वार्थवदल्पं च तत्तामसमुदाहृतम् ॥ 22 ॥Meaning of verse 18.22 →23नियतं सङ्गरहितमरागद्वेषतः कृतम्।
अफलप्रेप्सुना कर्म यत्तत्सात्त्विकमुच्यते ॥ 23 ॥Meaning of verse 18.23 →24यत्तु कामेप्सुना कर्म साहङ्कारेण वा पुनः।
क्रियते बहुलायासं तद्राजसमुदाहृतम् ॥ 24 ॥Meaning of verse 18.24 →25अनुबन्धं क्षयं हिंसामनपेक्ष्य च पौरुषम्।
मोहादारभ्यते कर्म यत्तत्तामसमुच्यते ॥ 25 ॥Meaning of verse 18.25 →26मुक्तसङ्गोऽनहंवादी धृत्युत्साहसमन्वितः।
सिद्ध्यसिद्ध्योर्निर्विकारः कर्ता सात्त्विक उच्यते ॥ 26 ॥Meaning of verse 18.26 →27रागी कर्मफलप्रेप्सुर्लुब्धो हिंसात्मकोऽशुचिः।
हर्षशोकान्वितः कर्ता राजसः परिकीर्तितः ॥ 27 ॥Meaning of verse 18.27 →28अयुक्तः प्राकृतः स्तब्धः शठो नैष्कृतिकोऽलसः।
विषादी दीर्घसूत्री च कर्ता तामस उच्यते ॥ 28 ॥Meaning of verse 18.28 →29बुद्धेर्भेदं धृतेश्चैव गुणतस्त्रिविधं शृणु।
प्रोच्यमानमशेषेण पृथक्त्वेन धनञ्जय ॥ 29 ॥Meaning of verse 18.29 →30प्रवृत्तिं च निवृत्तिं च कार्याकार्ये भयाभये।
बन्धं मोक्षं च या वेत्ति बुद्धिः सा पार्थ सात्त्विकी ॥ 30 ॥Meaning of verse 18.30 →31यया धर्ममधर्मं च कार्यं चाकार्यमेव च।
अयथावत्प्रजानाति बुद्धिः सा पार्थ राजसी ॥ 31 ॥Meaning of verse 18.31 →32अधर्मं धर्ममिति या मन्यते तमसावृता।
सर्वार्थान्विपरीतांश्च बुद्धिः सा पार्थ तामसी ॥ 32 ॥Meaning of verse 18.32 →33धृत्या यया धारयते मनःप्राणेन्द्रियक्रियाः।
योगेनाव्यभिचारिण्या धृतिः सा पार्थ सात्त्विकी ॥ 33 ॥Meaning of verse 18.33 →34यया तु धर्मकामार्थान्धृत्या धारयतेऽर्जुन।
प्रसङ्गेन फलाकाङ्क्षी धृतिः सा पार्थ राजसी ॥ 34 ॥Meaning of verse 18.34 →35यया स्वप्नं भयं शोकं विषादं मदमेव च।
न विमुञ्चति दुर्मेधा धृतिः सा पार्थ तामसी ॥ 35 ॥Meaning of verse 18.35 →36सुखं त्विदानीं त्रिविधं शृणु मे भरतर्षभ।
अभ्यासाद्रमते यत्र दुःखान्तं च निगच्छति ॥ 36 ॥Meaning of verse 18.36 →37यत्तदग्रे विषमिव परिणामेऽमृतोपमम्।
तत्सुखं सात्त्विकं प्रोक्तमात्मबुद्धिप्रसादजम् ॥ 37 ॥Meaning of verse 18.37 →38विषयेन्द्रियसंयोगाद्यत्तदग्रेऽमृतोपमम्।
परिणामे विषमिव तत्सुखं राजसं स्मृतम् ॥ 38 ॥Meaning of verse 18.38 →39यदग्रे चानुबन्धे च सुखं मोहनमात्मनः।
निद्रालस्यप्रमादोत्थं तत्तामसमुदाहृतम् ॥ 39 ॥Meaning of verse 18.39 →40न तदस्ति पृथिव्यां वा दिवि देवेषु वा पुनः।
सत्त्वं प्रकृतिजैर्मुक्तं यदेभिः स्यात्त्रिभिर्गुणैः ॥ 40 ॥Meaning of verse 18.40 →41ब्राह्मणक्षत्रियविशां शूद्राणां च परन्तप।
कर्माणि प्रविभक्तानि स्वभावप्रभवैर्गुणैः ॥ 41 ॥Meaning of verse 18.41 →42शमो दमस्तपः शौचं क्षान्तिरार्जवमेव च।
ज्ञानं विज्ञानमास्तिक्यं ब्रह्मकर्म स्वभावजम् ॥ 42 ॥Meaning of verse 18.42 →43शौर्यं तेजो धृतिर्दाक्ष्यं युद्धे चाप्यपलायनम्।
दानमीश्वरभावश्च क्षात्रं कर्म स्वभावजम् ॥ 43 ॥Meaning of verse 18.43 →44कृषिगौरक्ष्यवाणिज्यं वैश्यकर्म स्वभावजम्।
परिचर्यात्मकं कर्म शूद्रस्यापि स्वभावजम् ॥ 44 ॥Meaning of verse 18.44 →45स्वे स्वे कर्मण्यभिरतः संसिद्धिं लभते नरः।
स्वकर्मनिरतः सिद्धिं यथा विन्दति तच्छृणु ॥ 45 ॥Meaning of verse 18.45 →46यतः प्रवृत्तिर्भूतानां येन सर्वमिदं ततम्।
स्वकर्मणा तमभ्यर्च्य सिद्धिं विन्दति मानवः ॥ 46 ॥Meaning of verse 18.46 →47श्रेयान्स्वधर्मो विगुणः परधर्मात्स्वनुष्ठितात्।
स्वभावनियतं कर्म कुर्वन्नाप्नोति किल्बिषम् ॥ 47 ॥Meaning of verse 18.47 →48सहजं कर्म कौन्तेय सदोषमपि न त्यजेत्।
सर्वारम्भा हि दोषेण धूमेनाग्निरिवावृताः ॥ 48 ॥Meaning of verse 18.48 →49असक्तबुद्धिः सर्वत्र जितात्मा विगतस्पृहः।
नैष्कर्म्यसिद्धिं परमां संन्यासेनाधिगच्छति ॥ 49 ॥Meaning of verse 18.49 →50सिद्धिं प्राप्तो यथा ब्रह्म तथाप्नोति निबोध मे।
समासेनैव कौन्तेय निष्ठा ज्ञानस्य या परा ॥ 50 ॥Meaning of verse 18.50 →51बुद्ध्या विशुद्धया युक्तो धृत्यात्मानं नियम्य च।
शब्दादीन्विषयांस्त्यक्त्वा रागद्वेषौ व्युदस्य च ॥ 51 ॥Meaning of verse 18.51 →52विविक्तसेवी लघ्वाशी यतवाक्कायमानसः।
ध्यानयोगपरो नित्यं वैराग्यं समुपाश्रितः ॥ 52 ॥Meaning of verse 18.52 →53अहङ्कारं बलं दर्पं कामं क्रोधं परिग्रहम्।
विमुच्य निर्ममः शान्तो ब्रह्मभूयाय कल्पते ॥ 53 ॥Meaning of verse 18.53 →54ब्रह्मभूतः प्रसन्नात्मा न शोचति न काङ्क्षति।
समः सर्वेषु भूतेषु मद्भक्तिं लभते पराम् ॥ 54 ॥Meaning of verse 18.54 →55भक्त्या मामभिजानाति यावान्यश्चास्मि तत्त्वतः।
ततो मां तत्त्वतो ज्ञात्वा विशते तदनन्तरम् ॥ 55 ॥Meaning of verse 18.55 →56सर्वकर्माण्यपि सदा कुर्वाणो मद्व्यपाश्रयः।
मत्प्रसादादवाप्नोति शाश्वतं पदमव्ययम् ॥ 56 ॥Meaning of verse 18.56 →57चेतसा सर्वकर्माणि मयि संन्यस्य मत्परः।
बुद्धियोगमुपाश्रित्य मच्चित्तः सततं भव ॥ 57 ॥Meaning of verse 18.57 →58मच्चित्तः सर्वदुर्गाणि मत्प्रसादात्तरिष्यसि।
अथ चेत्त्वमहङ्कारान्न श्रोष्यसि विनङ्क्ष्यसि ॥ 58 ॥Meaning of verse 18.58 →59यदहङ्कारमाश्रित्य न योत्स्य इति मन्यसे।
मिथ्यैष व्यवसायस्ते प्रकृतिस्त्वां नियोक्ष्यति ॥ 59 ॥Meaning of verse 18.59 →60स्वभावजेन कौन्तेय निबद्धः स्वेन कर्मणा।
कर्तुं नेच्छसि यन्मोहात्करिष्यस्यवशोऽपि तत् ॥ 60 ॥Meaning of verse 18.60 →61ईश्वरः सर्वभूतानां हृद्देशेऽर्जुन तिष्ठति।
भ्रामयन्सर्वभूतानि यन्त्रारूढानि मायया ॥ 61 ॥Meaning of verse 18.61 →62तमेव शरणं गच्छ सर्वभावेन भारत।
तत्प्रसादात्परां शान्तिं स्थानं प्राप्स्यसि शाश्वतम् ॥ 62 ॥Meaning of verse 18.62 →63इति ते ज्ञानमाख्यातं गुह्याद्गुह्यतरं मया।
विमृश्यैतदशेषेण यथेच्छसि तथा कुरु ॥ 63 ॥Meaning of verse 18.63 →64सर्वगुह्यतमं भूयः शृणु मे परमं वचः।
इष्टोऽसि मे दृढमिति ततो वक्ष्यामि ते हितम् ॥ 64 ॥Meaning of verse 18.64 →65मन्मना भव मद्भक्तो मद्याजी मां नमस्कुरु।
मामेवैष्यसि सत्यं ते प्रतिजाने प्रियोऽसि मे ॥ 65 ॥Meaning of verse 18.65 →66सर्वधर्मान्परित्यज्य मामेकं शरणं व्रज।
अहं त्वा सर्वपापेभ्यो मोक्षयिष्यामि मा शुचः ॥ 66 ॥Meaning of verse 18.66 →67इदं ते नातपस्काय नाभक्ताय कदाचन।
न चाशुश्रूषवे वाच्यं न च मां योऽभ्यसूयति ॥ 67 ॥Meaning of verse 18.67 →68य इमं परमं गुह्यं मद्भक्तेष्वभिधास्यति।
भक्तिं मयि परां कृत्वा मामेवैष्यत्यसंशयः ॥ 68 ॥Meaning of verse 18.68 →69न च तस्मान्मनुष्येषु कश्चिन्मे प्रियकृत्तमः।
भविता न च मे तस्मादन्यः प्रियतरो भुवि ॥ 69 ॥Meaning of verse 18.69 →70अध्येष्यते च य इमं धर्म्यं संवादमावयोः।
ज्ञानयज्ञेन तेनाहमिष्टः स्यामिति मे मतिः ॥ 70 ॥Meaning of verse 18.70 →71श्रद्धावाननसूयश्च शृणुयादपि यो नरः।
सोऽपि मुक्तः शुभाँल्लोकान्प्राप्नुयात्पुण्यकर्मणाम् ॥ 71 ॥Meaning of verse 18.71 →72कच्चिदेतच्छ्रुतं पार्थ त्वयैकाग्रेण चेतसा।
कच्चिदज्ञानसम्मोहः प्रनष्टस्ते धनञ्जय ॥ 72 ॥Meaning of verse 18.72 →73अर्जुन उवाच
नष्टो मोहः स्मृतिर्लब्धा त्वत्प्रसादान्मयाच्युत।
स्थितोऽस्मि गतसन्देहः करिष्ये वचनं तव ॥ 73 ॥Meaning of verse 18.73 →74सञ्जय उवाच
इत्यहं वासुदेवस्य पार्थस्य च महात्मनः।
संवादमिममश्रौषमद्भुतं रोमहर्षणम् ॥ 74 ॥Meaning of verse 18.74 →75व्यासप्रसादाच्छ्रुतवानेतद्गुह्यमहं परम्।
योगं योगेश्वरात्कृष्णात्साक्षात्कथयतः स्वयम् ॥ 75 ॥Meaning of verse 18.75 →76राजन्संस्मृत्य संस्मृत्य संवादमिममद्भुतम्।
केशवार्जुनयोः पुण्यं हृष्यामि च मुहुर्मुहुः ॥ 76 ॥Meaning of verse 18.76 →77तच्च संस्मृत्य संस्मृत्य रूपमत्यद्भुतं हरेः।
विस्मयो मे महान्राजन्हृष्यामि च पुनः पुनः ॥ 77 ॥Meaning of verse 18.77 →78यत्र योगेश्वरः कृष्णो यत्र पार्थो धनुर्धरः।
तत्र श्रीर्विजयो भूतिर्ध्रुवा नीतिर्मतिर्मम ॥ 78 ॥Meaning of verse 18.78 →
ॐ तत्सदिति श्रीमद्भगवद्गीतासूपनिषत्सु ब्रह्मविद्यायां योगशास्त्रे श्रीकृष्णार्जुनसंवादे मोक्षसंन्यासयोगो नाम अष्टादशोऽध्यायः ॥
About Mokṣa Saṃnyāsa Yoga
Arjuna’s last question: what is the truth of renunciation and of relinquishment, each on its own? Krishna’s answer gathers the karma yoga of the whole Gita into a single word: what is to be given up is not action but attachment to it and its fruit. Sacrifice, giving and austerity purify even the wise, and are not to be abandoned.
Then the chapter sets up the mirrors of the gunas once more: knowledge, action, doer, understanding, steadfastness and happiness each have three kinds, sattvic, rajasic and tamasic. After the word ‘svakarmana tam abhyarchya’, worshipping the Lord through one’s own work, the chapter shows the summit of knowledge and devotion. At the end Krishna, having left the choice to Arjuna with ‘yathecchasi tatha kuru’, restates the essence out of love: ‘manmana bhava’, ‘sarvadharman parityajya’. Arjuna rises with ‘karishye vachanam tava’, and the Gita ends with Sanjaya’s conviction.
How the chapter moves
- Verses 1 to 12: Arjuna’s question, renunciation and relinquishment, the three kinds of relinquishment, and the fruit of action.
- Verses 13 to 18: The five causes of action, the error of seeing oneself as the sole doer, and the impulse to action.
- Verses 19 to 40: The three kinds of knowledge, action, doer, understanding, steadfastness and happiness. No being is free of the gunas.
- Verses 41 to 48: The duties of the four varnas, worship through one’s own work, and one’s own dharma.
- Verses 49 to 55: From the perfection of freedom from action to the state of Brahman and supreme devotion.
- Verses 56 to 66: The last counsel to Arjuna, the Lord in the hearts of all, the supreme secret and taking refuge.
- Verses 67 to 72: To whom it should be told, the fruit of teaching, studying and hearing it, and Krishna’s question.
- Verses 73 to 78: Arjuna’s reply and Sanjaya’s conclusion.
Sarvadharman parityajya: the acharyas’ views
In 18.66, the most discussed verse of the Gita, the acharyas clearly part. For Shankara ‘all dharmas’ includes both dharma and adharma, and the renunciation of all action together with knowledge of the self alone is the means to liberation. Ramanuja gives two readings: giving up fruit, the sense of ‘mine’ and agency while still practising the yogas of action, knowledge and devotion, or the consolation of surrender to one grieving under the weight of sins. For Madhva giving up dharma means giving up its fruit, since otherwise the command to fight would not fit. For Sridhara Swami it means giving up servitude to rules through firm faith in devotion. None of the acharyas reads it as permission to drop one’s duties carelessly.
These pages do not decide between the readings. Wherever the acharyas part, each position is recorded in its own terms.
About these pages
The text is that of the Gita Press edition. Our source text had no commentary for 18.2, and Shankara’s comment has been taken from the full text of his Gita Bhashya. Verses 18.51, 18.52 and 18.53 form a single sentence, and their meaning is given that way. Verse 18.17 must be read in the context of Arjuna’s righteous war, and it justifies no harm of any kind.
In the verses on the varnas, 18.41 to 18.48, the position of the classical commentators is given in their own terms. They read these verses within the framework of birth and past karma, while many modern thinkers read them in terms of qualities and aptitude. These pages support no discrimination of any kind on the basis of birth. As the Gita itself says, every person’s honest work is worship (18.46).
The ‘For life today’ boxes carry general information on matters such as the signs of stroke, de-addiction, sleep, the side effects of medicines and depression. For personal health decisions, seek a doctor’s advice. With this chapter, meaning pages for all eighteen chapters of the Gita are complete.
Sources: several.
ಪಾಠದಲ್ಲಿ ತಪ್ಪೋ ಬೇರೆ ಪಾಠಾಂತರವೋ ಕಂಡಿತೇ? ನಮಗೆ ತಿಳಿಸಿ.
Noticed a mistake or a different reading? Tell us.
ಪ್ರತಿಕ್ರಿಯೆ ಬರೆಯಿರಿ